काठमाडौं । सेञ्चुरी बैंकले अन्तरिम लाभांश शेयरधनीको खातामा वितरण गर्न सुरु गरेको छ । बैंकले हाल कायम रहेको चुक्ता पुँजीको तीन प्रतिशत नगद लाभांश शेयरधनीहरुको डिम्याट खातामा जम्मा गराएको हो ।
बैंकले गत आर्थिकको नाफाबाट प्रस्ताव गरेको चार दशमलव ७५ प्रतिशत नगद लाभांश मध्ये तीन प्रतिशत अन्तरिम लाभांश गत फागुन ३० गतेसम्म कायम शेयरधनीहरुलाई कर कट्टी गरी वितरण गर्न सुरु गरेको छ ।
बैंकले आफ्नो लाभांश सुरक्षित गर्न भौतिक शेयरहरुलाई अभौतिकीकरण गर्न र हितग्राही खाताको विवरण बुझाउन आग्रह गरेको छ। लकडाउनका कारण स्थगित भएको कम्पनीको सभामा कारण यस बिषम परिस्थतीमा राहत प्रदान गर्नका लागि अन्तरिम राहत वितरण गरेको जनाएको छ।
