काठमाडौं । सूर्योदय लघुवित्तको चालु आर्थिक वर्षको दोस्रो त्रैमाससम्ममा खुद नाफा ७० दशमलव ५६ प्रतिशतले बढेर २ करोड ७९ लाख ३७ हजार रुपैयाँ पुगेको छ । लघुवित्तले गत बर्ष १ करोड ६३ लाख ७९ हजार रुपैयाँ खुद नाफा आर्जन गरेको थियो ।
संस्थाको खुद ब्याज आम्दानी ५३ दशमलव ३० प्रतिशतले बढेर ७ करोड ४५ लाख २७ हजार रुपैयाँ पुगेको छ । त्यस्तै, सञ्चालन नाफा ७६.८० प्रतिशतले बढेर ३ करोड ९२ लाख २१ हजार रुपैयाँ पुगेको छ ।
संस्थाको प्रतिसेयर आम्दानी ३५ रुपैयाँ ८४ पैसा र प्रतिसेयर नेटवर्थ १६० रुपैयाँ ०८ पैसा रहेको छ । संस्थाको चुक्ता पूँजी १५ करोड ५९ लाख रुपैयाँ रहेको भने जगेडा कोषमा ९ करोड ३६ लाख रुपैयाँ सञ्चित छ।
