सूर्या लाईफ इन्स्योरेन्स कम्पनीले दोस्रो त्रैमासको वित्तिय विवरण अनुसार ९९ करोड ५० लाख बराबरको बीमाशूल्क आर्जन गरेको छ । कम्पनीले गत बर्षको सोहि अवधिमा ७२ करोड २२ लाख बराबरको बीमाशूल्क आर्जन गरेको थियो । कम्पनीको बीमाशूल्क आर्जन २७ प्रतिशतले बढेको छ ।
सूर्या लाइफको खुद बिमा शुल्क ३९।९४ प्रतिशतले ले बढेर ९५ करोड ३३ लाख २६ हजार रुपैयाँ पुगेको छ । गत वर्ष बिमा शुल्क ६८ करोड १२ लाख १६ हजार रुपैयाँ रहेको थियो । पुस मसान्तसम्म इन्सुरेन्सले कुल ११ करोड २७ हजार रुपैयाँ बराबरको दाबी भुक्तानी गरेको छ । भुक्तानी हुन बाँकी दाबी रकम भने कुल १ करोड ५१ लाख २२ हजार रुपैयाँ रहेको छ ।
दोस्रो त्रैमाससम्म सूर्या लाइफको चुक्ता पुँजी ५६।८ प्रतिशत बढेर १ अर्ब १३ करोड १९ लाख रुपैयाँ पुगेको छ । यता,इन्स्योेरेन्स कम्पनीको जगेडा कोष भने ३०।३८ प्रतिशतले बढाएर ४३ करोड १४ लाख ४३ हजार रुपैयाँ पुर्याएको छ । गत वर्ष जगेडा कोषमा ३३ करोड ८ लाख ९६ हजार रुपैयाँ रहेको थियो ।
इनस्योरेन्स जीवन बिमा कोष ४५।०४ प्रतिशतले बढेर ४ अर्ब ३० करोड २८ लाख ६९ हजार रुपैयाँ पुगेको छ । गत वर्ष कम्पनीको बिमा कोषमा २ अर्ब ९६ करोड ६६ लाख ६० हजार रुपैयाँ रहेको थियो ।
यता, नाफा भन्दा पुँजी वृद्धिको अनुपात धेरै हुँदा सूर्या लाइफको प्रतिसेयर आम्दानी भने १ रुपैयाँ १ पैसाले घटेर १९ रुपैयाँ १२ पैसा भएको छ । गत वर्ष प्रतिसेयर आम्दानी २० रुपैयाँ १३ पैसा थियो । यसको प्रतिसेयर नेटवर्थ १४३ रुपैयाँ ७८ पैसा छ ।
