सिवाईसी नेपालको नाफा १०९%ले वृद्धि हुँदा अन्य वित्तीय सूचक कस्तो ?

काठमाडौं । हालै आइपीओ निष्काशन गरिरहेको सिवाईसी नेपाल लघुवित्त वित्तीय संस्थाले चालू आर्थिक वर्षको तेस्रो त्रैमासको वित्तीय विवरण प्रकाशन गरेको छ । गत आर्थिक वर्षको सोही अवधिको तुलनामा कम्पनीको नाफा १०९ प्रतिशत वृद्धि भएको छ । गत आर्थिक वर्षमा कम्पनीले ४ करोड ७७ लाख नाफा कमाएको थियो । चालु आर्थिक वर्षको यस अवधिमा कम्पनीले ९ करोड ९९ लाख रुपैयाँ नाफा कमाएको छ ।

चालू आर्थिक वर्षको तेस्रो त्रैमासमा कम्पनीको खुद ब्याज आम्दानी र सञ्चालन नाफामा वृद्धि भएको छ । गत आर्थिक वर्षको सोही अवधिको तुलनामा चालू आर्थिक वर्षमा कम्पनीको खुद ब्याज आम्दानी ५५ प्रतिशत र सञ्चालन नाफा १०१ प्रतिशतले वृद्धि भएको छ ।