काठमाडौं । सिद्धार्थ इक्वीटी फण्डले गत आर्थिक वर्ष २०७८/७९ को मुनाफाबाट प्रतिफल घोषणा गरेको छ । योजना व्यवस्थापक सिद्धार्थ क्यापिटलको साउन २५ गते अपरान्ह ३ बजेर १५ मिनेटमा बसेको सञ्चालक समितिको बैठकले कर सहित ९ प्रतिशत प्रतिफल दिने निर्णय गरेको हो । फण्डले कर सहित १३ करोड ५० लाख रुपैयाँ प्रतिफल वितरण गर्नेछ ।
उक्त प्रतिफल केहि समय भित्रै इकाईधनीहरुले प्राप्त गर्ने योजना व्यवस्थापक सिद्धार्थ क्यापिटलले जनाएको छ । फण्डले लेखापरीक्षण सम्पन्न गरे सँगै प्रतिफल दिने निर्णय गरेको हो ।
