काठमाडौ: पछिल्लो पटक सञ्चालनमा आएको जीवन बीमा कम्पनी मध्यको एक ‘सिटिजन लाइफ इन्स्योरेन्सले विभिन्न पदमा कर्मचारी माग गरेको छ । कम्पनीले केन्द्रिय राजधानी काठमाडौँ तथा बाहिरका हाल संचालित शाखाको लागि कर्मचारी माग गरेको हो ।
कम्पनीले सेल्स एक्ज्युक्यूटिभ, लिगल एण्ड कम्लाएन्स अफिसर , आईटी अफिसर, म्यानेजमेन्ट ट्रेन्नि, ट्रेन्नि असिस्टेन्ट र पेड इन्टनहरुको लागि दरखास्त आह्वान गरेको हो । आवेदन दिनको लागि कम्पनीले ७ दिनको म्याद दिएको छ भने आवेदकले ईमेल मार्फत पनि आफनो बायोडाटा पठाउने व्यवस्था गरेको छ ।
पछिल्लो समय नयाँ ९ ओटा जीवन बीमा कम्पनीले संचालनको अनुमति पाए संगै बीमा क्षेत्रमा रोजगारीको सम्भावना र आकर्षण बढ्दो छ । बीमाक्षेत्रका लागि दक्ष जनशक्ति पहिलो सर्त हो तर, जनशक्तिको अभावका कारणले फराकिलो र स्थायी आधारमा बीमाको विकास सम्भव भइरहेको छैन ।
नयाँ जीवन बीमा कम्पनीमा प्रवेश गर्ने कर्मचारीले आफुले काम गर्ने कम्पनीको कम्पनीको सेयर पनि पाउँछन्। त्यसकारण जागिरको अलवा सेयर पाउने भएकाले कर्मचारीले दोहोरो फाइदाको लाभ उठाउन सक्छन्।
