काठमाडौं । सिटिजन्स बैंक इन्टरनेशनल र भारतस्थित मेदान्त मेडिसिटी अस्पतालबीच बैंकका कार्डवाहक ग्राहकलाई अस्पतालको सेवा शुल्कमा १५ प्रतिशत छूट दिने समझदारी भएको छ ।
समझदारीपत्रमा बैंकका तर्फबाट प्रमुख कार्यकारी अधिकृत गणेशराज पोखरेल तथा मेदान्त अस्पतालका सेल्स एन्ड मार्के्टिङका उपाध्यक्ष सुकेश थरेजाले हस्ताक्षर गरेका थिए ।
यस सहकार्यबाट भारतमा स्वास्थ्योपचार गराउन जाने बैंकका ग्राहकलाई उपचारका क्रममा आर्थिक सेवा पाउन सहज हुने बताइएको छ । भारतको गुरगाउँ, लखनउ, राँची, इन्दौर लगायतका मेदान्त अस्पतालका सबै शाखामा सुविधा पाइने बैंकले जनाएको छ ।
