काठमाडौं । स्काईट्रयाक्स वर्ल्ड एयरपोर्ट अवार्डलाई एयरपोर्ट उद्योगको ओस्कर भनिन्छ। यसपटक ठूलो उल्टो देखिएको छ।
दोहाको हमाद अन्तर्राष्ट्रिय विमानस्थलले सिंगापुरको चांगी विमानस्थललाई पछि गर्दै पहिलो स्थान हासिल गरेको छ। चांगीले आफ्नो ताज गुमाउँदै दोस्रो स्थानमा झरेको छ।
हमाद अन्तर्राष्ट्रिय विमानस्थल कतारको राजधानी दोहाको मुख्य विमानस्थल हो। करिब ६० हजार वर्गमिटरभन्दा बढी क्षेत्रफलमा फैलिएको यो एयरपोर्ट ७५ फुटबल मैदानबराबर छ। गत वर्ष यो विमानस्थल दोस्रो स्थानमा थियो। वास्तुकलाका हिसाबले यो विश्वकै सबैभन्दा महत्वपूर्ण विमानस्थल मानिन्छ। यसका साथै सबैभन्दा विलासी विमानस्थलको उपाधि पनि यसले प्राप्त गरेको छ।
चाखलाग्दो कुरा यो हो कि यस सूचीमा शीर्ष ५ विमानस्थलमा एसियाको वर्चस्व छ। तेस्रो नम्बरमा दक्षिण कोरियाको सियोल इन्चेन विमानस्थल रहेको छ। यो विमानस्थलले सबैभन्दा परिवारमैत्री विमानस्थलको उपाधि पनि पाएको छ। टोकियोको हानेडा चौथो र नारिता पाँचौँ स्थानमा छन्।
यो सूचीमा फ्रान्सको राजधानी पेरिसको चार्ल्स डे गौले एयरपोर्ट छैटौँ, दुबई सातौँ, जर्मनीको म्युनिख आठौँ, स्विट्जरल्यान्डको ज्युरिच नवौँ र टर्कीको इस्तानबुल विमानस्थल दसौँ स्थानमा छ। –एजेन्सी
