काठमाडौं । सानिमा इक्वीटी फण्डको प्रतिइकाई खुद मूल्य( न्याभ) बढेको छ ।सानिमा इक्वीटीको न्याभ कात्तिक मसान्तमा रू. ११ दशमलव ८२ थियो भने मंसिर मसान्तमा आइपुग्दा वृद्धि भएर रू. १४ दशमलव ८७ पुगेको हो ।
यो योजनाले मंसिर मसान्तसम्म रू. ५४ करोड ३८ लाखभन्दा बढी नाफा आर्जन गरेको छ । यो नाफा कात्तिक मसान्तमा रू. २७ करोड ६७ लाख थियो ।
यो योजनाको खुद सम्पत्ति रु. १ अर्ब ९३ करोड ३१ लाख ८४ हजार ४८३ पुगेको छ । गत कात्तिक मसान्तसम्म यो योजनाको खुद सम्पत्ति रु. १ अर्ब ६६ करोड ६० लाख ९२ हजार ६८९ थियो ।
