काठमाण्डौं । एशियाली खाडी मुलुक कतारमा आयोजित फिफा विश्वकप फुटबल प्रतियोगिताको लागी आयोजक फिफाले करिब २ खर्ब रुपैयाँभन्दा बढीको जोखिम विरुद्ध बीमा गराएको थियो ।
अन्तर्राष्ट्रिय फुटबल महासंघ(फिफा)ले प्रतियोगिता रद्ध, स्थगन, स्थानान्तरणलगायतको जोखिमको रक्षावरणको लागी सन २०१९ मै विश्व कप फुटबल २०२२ कतारका लागी बीमा गराई सकेको थियो । फिफाका अनुसार १ खर्ब ९६ अर्ब ३६ करोड(९० करोड अमेरिकी डलर) रुपैयाँ बराबरको क्षतिपूर्ती प्राप्त हुने गरी बीमा गराइएको थियो ।
यसबाहेक जोखिमहरूमा प्राकृतिक प्रकोप, दुर्घटना, उथलपुथल, युद्ध, आतंकवादका कार्यहरू र सरुवा रोगको जोखिम समेत समेटिएको थियो ।
