काठमाडौं। अमेरिकाको लस एन्जलसको जंगलमा फेरि डढेलो फैलिन थालेको छ। डढेलो फैलिन थालेपछि हजारौँ मानिसलाई सुरक्षित स्थानमा सारिएको छ। अहिले डढेलो भएको क्षेत्र सहरबाट ४५ किलोमिटर टाढा छ।
कास्टिक तालनजिकैको पहाडी क्षेत्रमा डढेलो सल्केको हो। त्यहाँ नजिकै धेरै आवासीय क्षेत्र र स्कुल छन्।
ढेलोले ८ हजार एकडभन्दा बढी क्षेत्र जलेको छ। तीव्र हावा र सुक्खा झाडीले डढेलो बढाउन इन्धनका रुपमा काम गरिरहेका छन्।
फेरि सल्किएको डढेलोबाट हालसम्म कुनै पनि घरमा क्षति नभए पनि करिब १९ हजार बासिन्दा क्षेत्र छाड्न बाध्य भएका छन्।
यसअघि अमेरिकाको क्यालिफोर्नियाको जंगलमा लागेको डढेलो निभाउन दमकल अझै खटिरहेका छन्। डढेलो लागेको एक साताभन्दा बढी भइसकेको छ। यसबाट धेरै मानिसका आलिसान भवन ध्वस्त भएका छन् भने २५ जनाको ज्यान गइसकेको छ। –एजेन्सी
