काठमाडौं । आज विहानै ललितपुरस्थित पुल्चोक नजिकैको बखुण्डोलमा भिषण आगोलागी भएको छ । आगोलागी भइरहेको स्थानबाट एक जनालाई जीवितै उद्धार गरिएको छ । उनी आंशिक रुपमा जलेका छन् ।
ललितपुरको पुल्चोकस्थित उत्तर कोरियाली दूतावास नजिकै रहेको एक कवाडीखानामा भीषण आगलागी भएको हो । आइतबार बिहान ११ः१५ बजेदेखि लागेको आगो नियन्त्रण बाहिर गएको छ । आगो के कारणले लागेको हो भन्ने खुल्न सकेको छैन । साथै उक्त कवाडीखानाभित्र अरु पनि मानिसहरु रहेको हुनसक्ने आशंका गरिएको भएपनि यो समाचार तयार गर्दासम्म पुष्टि भइसयकेको छैन । घाइते अवस्थाका व्यक्ति जल्दै बाहिर निस्केका थिए ।
कवाडीखाना भएकोले बीमा गरिएको हुनसक्ने सम्भावना न्यून छ । वरपरका केही घरहरुमा समेतमा क्षति पुगेकाले सो को भने बीमा दावी पर्ने सम्भावना रहन्छ ।
तस्विर सौजन्यः रातोपाटी
