काठमाडौं । लक्ष्मी लघुवित्त वित्तीय संस्थाले २७.३६८४ प्रतिशत लाभांश घोषणा गरेको छ असोज १५ गते बसेको सञ्चालक समितिको बैठकले आर्थिक वर्ष २०७७/७८ को मुनाफा समेतबाट हाल कायम चुक्ता पूँजी ३२ करोड ४५ हजारको २० प्रतिशत बोनश शेयर र बोनश शेयरमा लाग्ने कर प्रयोजन सहित ७.३६८ प्रतिशत नगद लाभांश दिने घोषणा गरेको हो ।
उक्त लाभांश नेपाल राष्ट्र बैंकबाट स्वीकृत पछि मात्रै साधारणसभामा पेश गरिनेछ । साधारणसभाले लाभांश पारित गरेपछि मात्रै शेयरधनीहरुले प्राप्त गर्ने छन् । प्रस्तावित बोनश शेयर पछि संस्थाको चुक्ता पूँजी ३८ करोड ४० लाख रुपैयाँ पुग्नेछ ।
