काठमाडौं । लक्ष्मी इक्विटी फन्डले वैशाख मसान्तसम्म आइपुग्दा ८७ करोड १९ लाख ३९ हजार रुपैयाँ शेयरमा लगानी गरेको छ । सूचीकृत कम्पनीको सेयरमा लगानी अघिल्लो महिनाको भन्दा ११ करोड ३० लाख २२ हजार रुपैयाँले घटेको हो।
यस अवधिमा फन्डको प्रतिइकाई खुद मूल्य (न्याभ) पनि १९ पैसाले घटेर १५ रुपैयाँ ३५ पैसामा सीमित भएको छ । चैतमा यसको न्याभ १५ रुपैयाँ ५४ पैसा थियो । बैंक मौज्दात भने ९ करोड ८० लाख ९५ हजार रुपैयाँले बढेर ८९ करोड ७१ लाख ८० हजार रुपैयाँ पुगेको छ ।
चैत महिनामा यसको बैंक मौज्दात ७९ करोड ९० लाख ८५ हजार रुपैयाँ थियो । यस महिनामा फन्डले ७२ वटा सूचीकृत कम्पनीको सेयरमा लगानी गरेको छ ।
