काठमाडौं । एमबीएल म्युचुअल फन्डअन्तर्गत सञ्चालित हुने एमबीएल इक्विटी फन्डका इकाइहरु निष्कासन गरिने भएको छ।
योजना व्यवस्थापक माछापुच्छ्रे क्यापिटलले नेपाल धितोपत्र बोर्डमा निवेदन दिँदै एमबीएल इक्विटी फन्डका इकाइहरु निष्कासनको अनुमति मागेको हो।
धितोपत्र बोर्डले अनुमति दिएमा यो योजनाको १ अर्ब २० करोड रुपैयाँबराबरको इकाइ बिक्री खुला गरिनेछ। जसअनुसार १० रुपैयाँ अंकित दरका कुल १२ करोड इकाइ निष्कासन गरिनेछ।
यो खुलामुखी योजना हो। यसको कोष प्रवर्द्धकमा माछापुच्छ्रे बैंक रहेको छ।
