काठमाडौं । न्युयोर्क लाइफ इन्स्योरेन्स कम्पनीले रियल स्टेट कम्पनीमा भारु ३८८ करोड लगानी गर्ने भएको छ।
न्युयोर्क लाइफले भारतको म्याक्स स्टेट कम्पनीमा उक्त लगानी गर्न लागेको हो। म्याक्स स्टेट म्याक्स ग्रुपको सहायक कम्पनी हो।
उक्त लगानीपछि म्यास स्टेटमा न्युयोर्क लाइफले ४९ प्रतिशत स्वामित्व प्राप्त गर्नेछ। यो लगानी म्याक्स टावर्स र म्याक्स हाउस (फेज १ र २)का लागि हुनेछ।
यी दुवै परियोजनाअन्तर्गत भारतको नोयडा र दिल्लीमा कमर्सियल रियल स्टेट योजनाहरु सञ्चालनमा छन्। न्युयोर्क लाइफले लगानी गरेपछि म्याक्स स्टेटको शेयर स्वामित्व ५१ प्रतिशतमा झर्नेछ। –एजेन्सी
