काठमाडौं । राष्ट्रिय वाणिज्य बैंकले विश्वभर महामारीको रुपमा फैलिएको कोरोना भाइरस रोकथाम एवं नियन्त्रण कोषमा डेढ करोड सहयोग गरेको छ । नेपालमा कोरोना भाइरस रोकथाम तथा नियन्त्रणको लागि सरकारले स्थापना गरेको काषमा राष्ट्रिय बाणिज्य बैंकले सामाजिक उत्तरदायित्व अन्तर्गत सो रकम सहयोग गरेको बैंकले जनाएको छ ।
बैंकको शाखा कार्यालय सिंहदरबार परिसरमा रहेको कोषको खाता १९६०००००११०१ मा सो रकम जम्मा गरिएको जनाएको छ । कोषका खाता राष्ट्रिय बाणिज्य बैंकमा मात्रै छ ।
लकडाउनमा समेत बैंकले आफ्ना ग्राहकहरुलाई देशव्यापी एटिएम सेवा, नगद काउन्टर, रेमिट्यान्स, क्लियरिङ्ग, एलसीलगायत बैंकिङ्ग सेवा प्रदान गर्दै आएकोे जनाएको छ ।
