काठमाडौं । सरकारी स्वामित्वको जीवन बीमक, राष्ट्रिय जीवन बीमकको सञ्चालक समिति सदस्यमा नेपाल राष्ट्र बैंकले राजन विक्रम थापालाई मनोनयन गरेको छ। थापा राष्ट्र बैंकका निर्देशक हुन्।
राष्ट्रिय जीवन बीमा कम्पनीमा नेपाल सरकार, नेपाल राष्ट्र बैंक र नेपाल बैंक लिमिटेडको लगानी छ। गत कात्तिक महिनाबाट संस्थानबाट कम्पनीमा रूपान्तरण भएको यो बीमा कम्पनीको सञ्चालक समितिमा हाल जम्मा ६ सदस्य छन् । यी मध्ये अर्थ मन्त्रालयबाट अध्यक्ष सहित ३ जना, राष्ट्र बैंकबाट २ र नेपाल बैंकबाट १ जनाले प्रतिनिधित्व गरेका छन्।
नेपाल राष्ट्र बैंकका अनुसार अर्का निर्देशक दीर्घ रावललाई बैंकको तर्फबाट नेपाल स्ट्क एक्स्चेन्ज लिमिटेड (नेप्से) को सञ्चालक समिति सदस्यको रुपमा मनोनयन गरेको छ।
