काठमाडौं । चालु आर्थिक वर्षको पहिलो महिना साउनमा राष्ट्रियस्तरका विकास बैंकहरुले कुल ८४ करोड ६० लाख रुपैयाँ नाफा कमाउन सफल भएका छन्।
नेपाल राष्ट्र बैंकले सार्वजनिक गरेको तथ्यांकअनुसार साउनमा राष्ट्रियस्तरका ८ विकास बैंकले कुल ८४ करोड ६० लाख रुपैयाँ नाफा आर्जन गरेको हुन्। नाफा आर्जनको हिसाबले शाइन रेसुंगा पहिलो स्थानमा रहेको छ। यो बैंकले २० करोड २० लाख रुपैयाँ नाफा आर्जन गरेको छ।
दोस्रोमा मुक्तिनाथ रहेको छ। साउनमा मुक्तिनाथले १६ करोड ९६ लाख रुपैयाँ नाफा आर्जन गरेको छ।
उच्च नाफाका हिसाबले महालक्ष्मी तेस्रो स्थानमा रहेको छ। महालक्ष्मीले साउनमा १० करोड ५७ लाख रुपैयाँ नाफा कमाएको छ।
यसैगरी साउनमा गरिमाले ९ करोड ४६ लाख रुपैयाँ, कामना सेवाले ८ करोड ५८ लाख रुपैयाँ, ज्योतिले ८ करोड ३७ लाख रुपैयाँ, सांग्रिलाले ६ करोड ८१ लाख रुपैयाँ र लुम्बिनीले ३ करोड ६३ लाख रुपैयाँ नाफा आर्जन गर्न सफल भएका छन्।
