नारायणगढ । यूनियन लाइफ इन्स्योरेन्स कम्पनीको नारायणगढ शाखाले मृतकको परिवारलाई दाबी भुक्तानी स्वरुप ३१ लाख ३५ हजार रुपैयाँ प्रदान गरेको छ । कम्पनीको नारायणगढ शाखामा जीवन बीमा गरेका बीमीत नवीन बानियाँकी श्रीमती सरस्वती खत्रीलाई उक्त रकम भुक्तानी गरिएको कम्पनीले जनाएको छ ।
नारायणगढ शाखामा १५ लाखको सर्वाधिक जीवन बीमा गरेका नवीन बाँनियाको केही समय अघि मोटरसाइकल दुर्घटनामा मृत्यु भएको थियो । कम्पनीमा १५ लाख रुपैयाँ बीमांकको जीवन बीमा बाँनियाको परिवारलाई १५ लाख थप र बोनस सहित ३१ लाख ३५ हजार भुक्तानी गरिएको कम्पनीले बताएको छ ।
बीमितको दाबी भुक्तानी गर्ने कार्यक्रममा भरतपुर नगरपालिका वडा नम्बर ११ का अध्यक्ष बावुराम अधिकारी, नेपाल इन्स्योरेन्स प्रोफेसनल सोसाईटीका चितवनका अध्यक्ष भरत मल्ल, स्थानीय बुद्धिजिवी तथा यूनियन लाईफका अभिकर्ताहरु सहभागी थिए ।
कार्यक्रममा यूनियन लाईफ इन्स्योरेन्सका नयाव प्रदेश प्रमुख इन्द्रराज सुवेदीले आफ्नो कम्पनी छिटो छरितो दाबी भुक्तानी उपलब्ध गराउन प्रतिवद्ध रहेको जानकारी बताए ।
