बुटवल । यूनियन लाईफ इन्स्योरेन्स कम्पनीको दोस्रो बार्षिक साधारणसभा पुस ४ गते सम्पन्न भएको छ । रुपन्देहीको भैरहवामा सम्पन्न साधारणसभाले सञ्चालक समितिको तर्फबाट पेश भएको २०७४।०७५ को वार्षिक प्रतिवेदन, नाफा नोक्सान हिसाब, नगद प्रवाह विवरण तथा एनएफआरएस बमोजिमको वित्तीय विवरणहरु पारित गरेको जनाएको छ ।
साधारणसभाले सञ्चालक समितिले पेश गरेको आईपिओ निष्काशन प्रक्रिया अघि बढाउने सहमति प्रदान गरेको सो बीमा कम्पनीले जनाएको छ । साधारणसभाले जारी पुँजि दुई अर्ब १५ करोड मध्येबाट ६४ लाख ५० हजार कित्ता शेयर निष्काशन गर्ने प्रक्रिया अघि बढाउने जनाएको छ ।
वार्षिक साधारणसभालाई सम्बोधन गर्दै अध्यक्ष सुलभ अग्रवालले नयाँ कम्पनी भएर पनि यूनियन लाईफले प्रशंसायोग्य प्रगति गरेको बताउँदै आगाामी दिनमा प्रभावकारी योजनासहित नागरिकको भरोसायोग्य कम्पनी बनाउने प्रतिबद्धता व्यक्त गरेका छन् ।
कम्पनीका प्रमुख कार्यकारी अधिृकत मनोज कुमारलाल कर्णले जीवन बीमा बजारमा युनियन लाईफले गौरवपूर्ण उपस्थिति दर्शाएको बताउँदै आगामी दिनमा पनि शेयर सदस्यहरुबाट सहयोग प्राप्त भइरहने विश्वा व्यक्त गरे ।
