काठमाडौं । साताको दोस्रो दिन आज शेयर बजार घटेको छ । हिजो ९४ अंकले बढेको शेयर बजार आज परिसूचक २३ दशमलव ८५ अंकले घटेर १,९३३ दशमलव १३ को विन्दुमा कायम भएको छ । आज २ अर्ब ४ करोड ४८ लाख ३१ हजार रुपैयाँको शेयर कारोबार हुँदा सबैभन्दा धेरै नागरिक लगानीकोषको शेयर कारोबार भएको छ । कम्पनीको १५ करोड ६५ लाख रुपैयाँको शेयर कारोबार भएको छ ।
त्यस्तै, हिमालयन डिष्टिलरीको ९ करोड ७ लाख रुपैयाँको शेयर कारोबार भएको छ । एलआइसी नेपालको ८ करोड २ लाख रुपैयाँको शेयर कारोबार भएको छ । नविल बैंकको ७ करोड १४ लाख रुपैयाँको शेयर कारोबार भएको छ ।
