काठमाडौं । अन्य देशमा जानु एउटा रोमाञ्चक अनुभव हुन सक्छ। यद्यपि, यो महँगो र चुनौतीपूर्ण प्रक्रिया पनि हुन सक्छ। विश्वका केही राज्य, सहर र देशले विदेशी तथा स्वदेशी नागरिकलाई अन्य सहरमा बसोबास गर्दा उल्टै पैसा दिने गरेका छन्। उनीहरुले भत्ता र कर छुटसहित आफ्नो मुलुकमा आकर्षित गर्न प्रोत्साहन प्रस्ताव गरेका छन्। कारण जे भए पनि यी प्रोत्साहन जीवनमा नयाँ अध्याय सुरु गर्न खोज्नेहरु विदेशी र स्वदेशी नागरिकका लागि उत्कृष्ट अवसर हुन सक्छ।
चिली
चिलीले दक्षिण अमेरिकी राष्ट्रमा आफ्नो यात्रा सुरु गर्न चाहने स्टार्टअप कम्पनीलाई कोष प्रदान गर्दछ। कार्यक्रमले ८० हजार अमेरिकी डलरसम्म कोष र १ वर्षका लागि कार्य भिसाका साथ व्यवसायलाई प्रोत्साहन दिन्छ।
आयरल्यान्ड
इन्टरप्राइज आयरल्यान्ड योजनाका साथ आयरल्यान्डले आफ्नो देशमा कम्पनी खोल्न चाहने अन्य मुलुकका उद्यमी र साना व्यवसायलाई भुक्तानी गर्ने प्रस्ताव गरेको छ। यसका लागि आवेदन दिन आयरल्यान्डमै हुनुपर्दैन तर आफ्नो कम्पनी आयरल्यान्डमा दर्ता गरेको हुनुपर्छ। साथै, ‘आवर लिभिङ आइसल्यान्ड’ स्किमका साथ आयरिस सरकारले आर्थिक वृद्धिका लागि आफ्ना ३० दुर्गम टापुलाई जनसंख्या र बलियो बनाउने आशा राखेको छ। ८७ हजार ६०० अमेरिकी डलर अनुदानका लागि योग्य हुन आवेदकले १९९३ अघि निर्माण गरिएको घर किन्नुपर्छ र त्यो घर २ वर्ष वा सोभन्दा बढी समयदेखि खाली रहेको हुनुपर्छ।
न्युजिल्यान्ड
न्युजिल्यान्डको काइटाङ्गाटा सहरले महत्वाकांक्षी विदेशी उद्यमीलाई १ लाख ६५ हजार डलर र निःशुल्क आवास प्रदान गर्दछ। अधिकतर यो सीपको अभाव र जनसंख्या संकटका कारण हो। किनकि सो सहरको जनसंख्या मात्र ८०० रहेको छ।
आइसल्यान्ड
आइसल्यान्ड स्टार्टअप कार्यक्रममार्फत टापु राष्ट्रले देशमा व्यवसाय सुरु गर्न खोज्ने विदेशी नागरिकलाई ५० हजार डलर प्रदान गर्दछ। यस कार्यक्रमका लागि स्वीकृत हुने आवेदकलाई सरकारले सहयोगका साथै १ वर्षको भिसा पनि उपलब्ध गराउँछ।
पोर्चुगल
पोर्चुगल सरकारले आफ्नो इम्पेरगो आन्तरिक एमएआईएस योजनामार्फत देशको भित्री क्षेत्रहरुमा काम गर्न विदेशी नागरिकहरुलाई भुक्तानी गरिरहेको छ। यो देशले ५ हजार २४० डलरसम्म अनुदानमा भुक्तानी गर्दछ।
जापान
जापान सरकारले क्षेत्रीय पुनरुत्थान कार्यक्रम सञ्चालन गरिरहेको छ। जसले देशको ग्रामीण क्षेत्रमा जान चाहने विदेशी नागरिकलाई कोष र सहयोग प्रदान गर्दछ। कार्यक्रमले त्यहाँ सार्नको लागि १ वर्षको भिसा र १० हजार डलरसम्मको कोष प्रदान गर्दछ।
स्पेन
स्पेनको अस्टुरियासको पोन्गा गाउँले युवा दम्पतीलाई त्यहाँ सार्नका लागि ३ हजार २५६ डलर र दम्पतीसँग त्यहाँ जन्मेका वा सारियो प्रत्येक बच्चाका लागि थप ३ हजार २५६ डलर प्रदान गर्दछ। यो भत्ता पाउन कम्तीमा ५ वर्षसम्म पोन्गाा बस्नुपर्छ।
ग्रीस
एन्टिक्याथेरा ग्रीस एउटा टापु हो। जसले आफ्नो जनसंख्या बढाउन खोजिरहेको छ। जुन हाल लगभग ५० छ। ग्रीस अर्थोडक्स चर्चले टापुमा सर्ने जोकोहीलाई ३ वर्षका लागि घर र ५४२ डलर मासिक अनुदान प्रदान गर्दछ।
स्विट्जरल्यान्ड
स्विट्जरल्यान्डको एउटा सहर अल्बिनेनको जनसंख्या २४३ मात्र रहेको छ। यो जनसंख्या संकटको कारण त्यहाँ बस्नका लागि मानिसलाई ५३ हजार डलर प्रदान गर्दछ। यद्यपि यो अनुदान पाउन ४५ वर्ष मुनिको हुनुपर्छ र १० वर्षका लागि सहरमा बस्नुपर्छ। –एजेन्सी
