काठमाडौं । भारतीय शेयर बजारमा आज ठूलो पहिरो गएको छ। लोकसभा चुनावमा अपेक्षित नतिजा नआउने संकेत पाएपछि भारतीय शेयर बजारमा ठूलो गिरावट आएको छ।
यो समाचार तयार पार्दासम्म सेन्सेक्स करिब ५५०० अंकले घटेको छ। यतिबेला सेन्सेक्स ७२००० भन्दा तल झरेको छ।
उता निफ्टी पनि १९०० अंकले घटेको छ। योसँगै निफ्टी २१३७० विन्दुमा झरेको छ।
भारतीय शेयर बजारबाट यो गिरावट सन् २०२० मार्च २३ यताकै सबैभन्दा ठूलो हो। त्यतिबेला कोरोना महामारीका कारण भारतीय शेयर बजारमा १३.१५ प्रतिशतको गिरावट आएको छ। त्यतिबेलाा मार्च २२ मा सेन्सेक्स २९९१५ स्तरमा थियो। सेन्सेक्स ३९३४ अंकले घटेर २५९८१ को विन्दुमा झरेको थियो।
लोकसभा चुनावमा ५४२ सिटको मतगणना सुरु भएको छ। सुरुआती रुझानमा एनडीएले २८४ सिट र आईएनडीआईएले २२२ सिटमा अग्रता लिइरहेका छन्। भारतीय शेयर बजारका लगानीकर्ताले एनडीएले भारी बहुमत ल्याउने अपेक्षा गरेका थिए। तर, अहिले दुवैबीच टक्कर देखिएको छ। –एजेन्सी
