काठमाडौं । अमेरिकाले एक दर्जनभन्दा बढी कम्पनीमाथि प्रतिबन्ध लगाउने निर्णय गरेको छ । बिहीबार अमेरिकी वित्त मन्त्रालयले एक विज्ञप्ति जारी गर्दै यो जानकारी दिएको हो।
अमेरिकाले इरानी सेनाको तर्फबाट अवैध व्यापार र मानवरहित हवाई वाहन (यूएभी) स्थानान्तरणका लागि तीन भारतीय कम्पनीसहित एक दर्जनभन्दा बढी कम्पनीमा प्रतिबन्ध लगाएको हो। युक्रेन र रुस युद्धको समयमा इरानी मानवरहित हवाई सवारी साधनको गोप्य बिक्रीमा प्रतिबन्धित कम्पनी, व्यक्ति र जहाजको भूमिका रहेको बयानमा उल्लेख छ।
अमेरिकी ट्रेजरी डिपार्टमेन्टका अनुसार सहारा थन्डर यी प्रयासहरुको समर्थनमा इरानको व्यावसायिक गतिविधिको निरीक्षण गर्ने प्रमुख कम्पनी हो। सहारा थन्डरलाई सहयोग गर्ने तीन भारतीय कम्पनी जेन सिपिङ, पोर्ट इन्डिया प्रालि र सी आर्ट शिप म्यानेजमेन्ट प्रालि हुन् । विभागले भन्यो, ‘सहारा थन्डर जनवादी गणतन्त्र चीन (पीआरसी), रसिया र इरानको रक्षा मन्त्रालय र सशस्त्र बल रसद (एमओडीएएफएल)का तर्फबाट इरानी सामानको बिक्री र ढुवानीमा संलग्न विशाल शिपिंग नेटवर्कमा निर्भर छ।
‘सहारा थन्डरले इरानका हजारौँ यूएभीको डिजाइन, विकास, निर्माण र बिक्रीमा पनि प्रमुख भूमिका खेल्छ’, अमेरिकी सरकारी विज्ञप्तिमा भनिएको छ। यीमध्ये धेरै युक्रेनविरुद्धको युद्धमा प्रयोग गर्न रुसलाई दिइएको थियो। सहारा थन्डरले २०२२ देखि धेरै वस्तुको ढुवानी व्यवस्थित गर्न सीएचईएम प्रयोग गरेको छ। इरानमा रहेको अरसाङ सेफ ट्रेडिङ कम्पनीले सीएचईएमलगायत सहारा थन्डरसँग सम्बन्धित धेरै ढुवानीको समर्थनमा जहाज व्यवस्थापन सेवा उपलब्ध गराएको छ। –एजेन्सी
