काठमाडौं । मित्तेरी डेभलपमेन्ट बैंकले गत आर्थिक बर्षको मुनाफाबाट शेयरधनीहरुलाई वितरण गर्ने लाभांस घोषणा गरेको छ ।
बैंकको संचालक समितिको वुधवार (माघ २२ गते) सम्पन्न बैठकले चुक्त पुँजी ५८ करोड ५० लाखको १९ दशमलव ५० प्रतिशत लाभांश वितरण गर्ने प्रस्ताव पारित गरेको हो । जसमध्ये बैंकले १८ दशमलव ५२५ प्रतिशत बोनस र बोनस कर प्रयोजनका लागि ० दशमलव ९७५ प्रतिशत नगद लाभांस दिने भएको छ ।
प्रस्तावित बोनस शेयर राष्ट्र बैंकको स्वीकृती तथा बैंकको आगामी साधारणसभाबाट पारित भएपछि शेयरधनीलाई प्राप्त गर्न सक्नेछन् । बोनस वितरण पश्चात् बैंकको पुँजी ६१ करोड ३३ लाख ७१ हजार रुपैयाँ पुग्ने भएको छ ।
