काठमाडौं । एप्पललाई पछि पार्दै माइक्रोसफ्ट विश्वकै मूल्यवान कम्पनी बनेको छ। गत सप्ताहन्तमा शेयरभाउ बढेर माइक्रोसफ्टको बजार पुँजीकरण ३.१२५ ट्रिलियन डलर पुगेको छ।
बजार शेयर बन्द हुँदा ३.१ ट्रिलियन डलरभन्दा बढी बजार पुँजीकरण हुने माइक्रोसफ्ट पहिलो अमेरिकी कम्पनी पनि बनेको छ। बजार बन्द हुँदा एप्पलको बजार पुँजीकरण भने २.९१६ ट्रिलियन डलर पुगेको छ।
माइक्रोसफ्टको शेयर सप्ताहन्त अन्तिम दिन ४१०.५५ डलरमा अन्तिम कारोबार भएको छ। पछिल्लो १ वर्षमा माइक्रोसफ्टको शेयरभाउ ६० प्रतिशतले बढेको छ। जसको मुख्य कारण यसको आर्टिफिसियल इन्टेलिजेन्स (एआई) सफ्टवेयरलाई जागेको उत्साह मानिएको छ। –एजेन्सी
