काठमाडौं । महुली लघुवित्त र नव किरण लघुवित्तको आजबाट एकिकृत कारोबार सुरु भएको छ । सोमबार आयोजित विशेष कार्यक्रमका बीच दुई कम्पनीको एकीकृत कारोबार सुरु भएको हो ।
नवकिरण र महुली लघुवित्त एक आपसमा गाभिएपछि महुली लघुवित्तको नामबाट एकिकृत कारोबार शुरु भएको हो ।
दुई कम्पनीका बीचमा १००ः९५ को स्वाप रेसियोमा दुई संस्था मर्ज भएका हुन् । नाम, लोगो, स्लोगन र केन्द्रीय कार्यालय महुली लघुवित्त कै रहने गरि यी दुई संस्था मर्ज भएको छ । नव किरणको हालको कार्यालय रहेको धुलिखेललाई ३ नम्बर प्रदेशको कार्यालयको रुपमा राखिएको कम्पनीले जनाएको छ ।
