काठमाडौं। महिला लघुवित्त वित्तीय संस्थाले प्राथमिक शेयरको बाँडफाड शुक्रवार गर्ने भएको छ। संस्थाको धितोपत्र निष्काशन तथा बिक्री प्रवन्धक नेपाल एसबिआई मर्चेन्ट बैंकले शुक्रवार विहान ८ बजे बाँडफाड गर्ने तयारी गरेको हो।
संस्थाले माघ ३० गतेदेखि फागुन ५ गतेसम्म सर्वसाधारणका लागि शेयर निष्काशन गरेको थियो। सर्वसाधारण समुह तर्फको ४ लाख कित्ता मध्ये ५ हजार कित्ता कर्मचारीहरुका लागि बिक्री गरेको छ। त्यस्तै म्युअल फण्डहरुलाई ५ प्रतिशत बिक्री गरेर बाँकी रहेको तीन लाख ७५ हजार कित्ता प्राथमिक शेयर सर्वसाधारणहरुलाई बाँडफाड गर्ने भएको हो।
बिक्री प्रवन्धक नेपाल एसबिआइका अनुसार १५ लाख १९ हजारले २ करोड ३४ कित्ताका लागि आवेदन दिएका छन्। माग भन्दा ६२.४९ गुणा बढि आवेदन परेको छ। संस्थाको प्राथमिक जम्मा ३७ हजार ५०० आवेदकले मात्रै प्राप्त गर्ने छन्।
