काठमाडौं । सेक्युरिटिज एन्ड एक्सचेन्ज बोर्ड अफ इन्डिया (सेबी)ले आज डिसेम्बर १ बाट भारतीय शेयर बजारमा आइपीओ लिस्टिङ (सूचीकरण)का लागि नयाँ नियम लागू गरेको छ।
सेबीले अब कम्पनीहरुले ल्याउने आइपीओ बाँडफाँट भएको ३ कार्य दिनभित्र सूचीकरण गर्नुपर्ने नियम पूर्ण रुपमा कार्यान्वयनमा ल्याएको हो। अब नियम लागू भएसँगै अब लगानीकर्ताको डिम्याट खातामा छोटो समयमै शेयर जम्मा हुनेछ।
सेबीले गत अगस्टमा आइपीओ सूचीकरणको अन्तिम मिति हालको ६ दिनबाट घटाएर ३ दिन गर्ने घोषणा गरेको थियो। सेबीले सेप्टेम्बर १ देखि स्वेच्छिक रुपमा यो नियम लागू गरेको थियो। तर अब डिसेम्बर १ देखि सबैका लागि अनिवार्य गरिएको छ। यसको मतलब अब सबै कम्पनीको आइपीओ बाँडफाँट भएको मितिबाट ३ दिनभित्र सूचीकृत हुनेछ।
सेबीको यो कदमले लगानीकर्तालाई ठूलो राहत दिनेछ।
