काठमाडौं । चुनावी नतिजाले भारतीय शेयर बजारमा आज भीषण पहिरो गएको छ। बीजेपीको पक्षमा अपेक्षित नआउँदा सेन्सेक्स र निफ्टीमा भारी अंकको गिरावट आएको हो।
आज सेन्सेक्स ५.७ प्रतिशतले घटेर ७२०७९ को विन्दुमा बन्द भएको छ भने निफ्टी ६ प्रतिशतले घटेर २१८८४ को विन्दुमा झरेको छ। जसअनुसार सेन्सेक्ट ४३०० अंक र निफ्टी १३७९ अंकले ओरालो लागेका छन्।
भारतीय शेयर बजारको यो गिरावट पछिल्लो ४ वर्षयताकै उच्च हो। सनु २०२० मेमा भारतीय शेयर बजारले ठूलो गिरावटको सामना गरेको थियो। त्यतिबेला मे ४ सेन्सेक्स २००२ अंकले घटेर ३१७१५ मा बन्द भएको थियो।
आज भारतीय शेयर बजारमा पहिरो जाँदा लगानीकर्ताले एकैदिन भारु २९ लाख करोड गुमाएका छन्। –एजेन्सी
