काठमाडौं ।कूल जनसंख्याको पाँच प्रतिशतमा सीमित रहेको बीमाको पहुँच बिस्तारको महत्वकांक्षी लक्ष्य लिएको भारतीय बीमा नियामक तथा विकास प्राधिकरणले थप एक स्वास्थ्य बीमा कम्पनीलाई व्यवसाय सञ्चालनको इजाजत दिएको छ। नारायणा हेल्थ ग्रुप अन्तर्गतको उपक्रम नारायणा हेल्थ इन्स्योरेन्सले सेवा सञ्चालनको स्वीकृति पाएको हो ।
भारतमा यो समेत स्वास्थ्य बीमाको क्षेत्रमा मात्र काम गर्ने यो छैठौं बीमा कम्पनी हुनेछ । नारायणा हेल्थ ग्रुप अन्तर्गत भारतका विभिन्न स्थानमा स्वास्थ्य संस्थाहरुको सञ्जाल सञ्चालनमा रहेको छ।
भारतमा एक वर्षको अवधिमा व्यवसाय सञ्चालनको इजाजत दिइएको यो पाँचौं बीमा कम्पनी हो । यसअघि एको लाइफ इन्स्योरेन्स, क्रेडिट एक्सेस लाइफ इन्स्योरेन्स, गो डिजिट लाइफ इन्स्योरेन्स सहित चार कम्पनीले इजाजत पाएका थिए ।
