काठमाडौं । भारतमा महिलाका लागि ल्याइएको टर्म इन्स्योरेन्समा आकर्षण ह्वात्तै बढेको छ।
पोलिसी बजारको पछिल्लो तथ्यांकअनुसार विगत २ वर्षमा भारतमा महिलाले खरिद गर्ने टर्म इन्स्योरेन्स ८० प्रतिशतले बढेको हो। बढ्दो सचेतना र वित्तीय जागरणले महिलाहरु टर्म इन्स्योरेन्स पोलिसी गर्न आकर्षित भइरहेको पोलिसी बजारले जनाएको छ।
गृहिणीमा विशेषगरी उच्च कभरेजको टर्म पोलिसीको माग बढ्दो देखिएको छ। भारु २ करोडसम्मको टर्म पोलिसी महिलाहरुले खरिद गरिरहेको पोलिसी बजारको तथ्यांकले देखाउँछ। उच्च कभरेजको टर्म पोलिसी पछिल्लो समय भारतका साना सहरहरुका महिलाहरुले गरिरहेका छन्। आन्ध्रा प्रदेशको गुन्टुर सहर उच्च कभरेजको टर्म पोलिसी माग धेरै हुने सहरको सूचीमा शीर्ष ५ भित्र रहेको छ। त्यहाँ थुप्रै महिलाले उच्च कभरेजको टर्म पोलिसी खरिद गरेका छन्।
पोलिसीबजारका अनुसार उच्च कभरेजको टर्म पोलिसी खरिद गर्ने महिलाको संख्या पछिल्लो २ वर्षमा १२० प्रतिशतले बढेको छ। भारत केही वर्षअघि मात्रै सार्वजनिक गरिएको गृहिणीका लागि टर्म इन्स्योरेन्स पोलिसी निकै लोकप्रिय बढेको छ।
पछिल्लो २ वर्षमा भारतमा ४० प्रतिशत टर्म इन्योरेन्स पोलिसी गृहिणीले खरिद गरेका छन्। पोलिसी खरिद गर्ने अधिकांश महिला २० वर्षदेखि ३० वर्ष उमेर समूहका छन्।
