काठमाडौं । बैंकिङ प्रणालीमा निक्षेप सवा ६६ खर्ब रुपैयाँ पुगेको छ।
नेपाल राष्ट्र बैंकले पछिल्लो तथ्यांकअनुसार असोज २० गतेसम्म बैंक तथा वित्तीय संस्थाको कुल निक्षेप ६६ खर्ब २५ अर्ब रुपैयाँ पुगेको हो। असोज २० मा मात्रै बैंकिङ प्रणालीमा १२ अर्ब रुपैयाँ निक्षेप थपिएको छ। अघिल्लो दिन असोज १९ गतेसम्म बैंक तथा वित्तीय संस्थाको कुल निक्षेप ६६ खर्ब १३ अर्ब रुपैयाँ थियो।
असोज २० मा वाणिज्य बैंकहरुको निक्षेप एकैदिन १२ अर्ब रुपैयाँले बढेको छ। वाणिज्य बैंकहरुको कुल निक्षेप ५८ खर्ब ९९ अर्ब रुपैयाँ पुगेको छ। अघिल्लो दिनसम्म वाणिज्य बैंकहरुको कुल निक्षेप ५८ खर्ब ८७ अर्ब रुपैयाँ थियो।
असोज २० गतेसम्म बैंक तथा वित्तीय संस्थाको कुल कर्जा लगानी ५२ खर्ब ६७ अर्ब रुपैयाँ पुगेको छ। अघिल्लो दिनसम्म कुल कर्जा लगानी ५२ खर्ब ५९ अर्ब रुपैयाँ थियो। कर्जा प्रवाह एकैदिन ८ अर्ब रुपैयाँले बढेको छ।
असोज २० मा बैंक तथा वित्तीय संस्थाको औसत सीडी रेसियो ७८.१५ प्रतिशत रहेको छ। अघिल्लो दिनसम्म औसत सीडी रेसियो ७८.१६ प्रतिशत थियो। अन्तरबैंक ब्याजदर भने ३ प्रतिशत रहेको छ।
