काठमाडाैं। जीवन बीमा दाबीमा धोखाधडीको विश्व चर्चित कुख्यात घटनामध्ये एक ब्रिटिश जोडी जोन र एनी डार्विनले गरेकाे मृत्यु दाबीकाे घटना पनि हो । यी दुबैकाे कुकृत्यले फर्जी बीमा दाबी विरूद्ध जनचेतना अभिवृद्धिका लागी निर्मित धेरै वृत्तचित्रहरूकाे निर्माणमा प्रेरित समेत गरेको छ।
घर, गाडी र बिलाशितापूर्ण जीवन यापनका लागी अनावश्यक बैंक ऋण लिएर फजुल खर्च गरेपछि ऋणकाे चपेटामा परेका यी बेलायती दम्पत्तीले बेलायती जीवन बीमा कम्पनी ब्रिटमा मृत्यु दाबी भुक्तानी माग्ने याेजना बनाए । र यही याेजना अन्तर्गत श्रीमान् जाेन कथित क्यानाेइङ (नदी वा समुद्री छालमा एक्लै नाैका बिहार गर्ने नाउ) दुर्घटनामा परेर मृत्यु भएकाे नाटक गरे ।
सन् २००२ मा कथित दुर्घटनामा परेर आफ्नाे पति जाेनकाे निधन भएकाे आधारमा एनी डार्विनले जीवन बीमक ब्रिटसँग ६ लाख ८० हजार बेलायती पाउण्ड (हालकाे विनिमय दर अनुसार ९ कराेड ६२ लाख नेपाली रुपैयाँभन्दा बढी) दाबी हात पारिन् । यति ठूलाे रकम हात पारेपछि एनीले बैंककाे सबै कर्जा चुक्ता गरिन् । त्यसपछि एनी आफ्नाे कथित मृतक पति जाेनसँगै पनामा टापुमा नक्कली पहिचानकाे आधारमा नयाँ जीवन शुरु गरे ।
अपराध लामाे समयसम्म लुकाउन सकिन्न भन्ने यथार्थ भएकाले यी दम्पत्ती अन्ततः पनामा टापुबाट नै पक्राउ परे। उनीहरुलाई बीमा कम्पनीले सामाजिक सञ्जालमा फेला परेकाे ताजा पाेष्टकाे आधारमा पनामामा मृतक भनिएका जाेन र उनकी श्रीमति सँगसँगै रहेकाे पत्ता लगाए पछि प्रहरीकाे सहयाेगमा पक्राउ गरे । उनीहरुलाई बीमा दाबीमा कपट गरेकाे अभियाेगमा बेलायती अदालतले छ-छ वर्षको जेल सजाय सुनाएको थियो।
