बैंकिङ र बीमा र पूँजी बजार सम्बन्धी प्रदर्शनी बुटवलमा आयोजना गरिएको बैंकिङ र बीमा र पूँजीबजार सम्बन्धी प्रदर्शनी शनिबार सम्पन्न भएकोे छ ।
उक्त कार्यक्रममा बोल्दै बीमा समितिका अध्यक्ष चिरञ्जीबी चापागाईंले मानव जीवन, सम्पत्ती, व्यवसाय, कृषि उत्पादन लगायत सबै क्षेत्रमा हुने आर्थिक क्षती न्युनिकरण गर्न बीमाले सहयोग पुरयाउने हुनाले यो जरुरी रहेको बताएका छन् ।
बैंक र बीमा व्यवसायलाई एक अर्कासँग छुट्याउनै नमिल्ने बताएका छन् । बैंक र बीमा क्षेत्र एकापसमा अभिन्न अंग भएको र यसको विकास पनि सँगसँगै अघि बढाउनुपर्ने बताएका छन् ।
बैंकबाट कर्जा लिएर गरिने व्यवसायको जोखिम न्युनिकरण अनिवार्य रहेको उल्लेख गर्दै कृषि बीमामा सरकारले दिएको सुविधाको उपयोग गर्न आग्रह गरेका छन् ।
