काठमाडाैं । बंगलादेशी बहुर्राष्ट्रिय कम्पनी प्राण-आरएफएल समूहकाे सहायक कम्पनी प्राण एग्रो लिमिटेडमा मेट लाइफ इन्स्याेरेन्सले २ अर्ब ६२ करोड बंंगलाेदशी टाका बराबरकाे अनशोर ऋण पत्र खरिद गरेकाे छ। आठ वर्षे ऋणपत्रबाट प्राप्त रकम कम्पनीको पूर्वाधार विस्तारमा प्रयोग गरिनेछ ।
ऋणपत्रमा आंशिक ग्यारेन्टरको रूपमा ग्यारेन्टको छ। तर, कारोबारमा पहिलो स्वदेशी संस्थाको रूपमा आफ्नो प्रतिष्ठाका कारण, प्राण एग्रोले ऋणपत्रका केही अंशमा बिना कुनै ग्यारेन्टी वित्तपोषण गर्न सक्षम भएको छ। ऋणपत्रबाट प्राप्त रकम प्राण एग्रोका कारखानामा आवश्यक भवन निर्माण तथा चाउचाउ, कन्फेसनरी, खाना, खाना पकाउने तेल र बेकरी उत्पादनका मेसिनरी खरिदमा खर्च हुनेछ ।
हाल प्राण-आरएफएल समूहमा १ लाख दर्ता भएका करार कृषकहरू छन् । समूह अन्तर्गत १ लाख ४५ हजार जनशक्ति कार्यरत छन्। यस नयाँ वित्तपोषणबाट थप २४० अनुबंधित किसान लाभान्वित हुने इन्स्योरेन्स न्यूज बंगलादेशले उल्लेख गरेकाे छ। साथै यस आर्थिक सहयोगबाट कारखाना व्यवस्थापन, मर्मतसम्भारलगायत विभिन्न क्षेत्रमा करिब ५ सय जनालाई रोजगारीको अवसर सृजना हुनेछ, जसमध्ये ६० प्रतिशत महिला रहेका छन् ।
मेटलाइफ बंगलादेशका प्रमुख कार्यकारी अधिकृत अला अहमदले बंगलादेशको वित्तीय क्षेत्रमा मेटलाइफको कुल लगानी १७,००० करोडभन्दा बढी रहेको बताए।
ग्यारेन्टकोका प्रमुख कार्यकारी अधिकृत लिथ अल फलाकीले भने, “हामी प्राण एग्रोसँगको दोस्रो कारोबार पूरा गर्न पाउँदा धेरै खुसी छौं, जसले बंगलादेशको बन्ड बजारलाई अगाडि बढाउन अझ महत्त्वपूर्ण भूमिका खेल्नेछ। यसअघि, प्राण एग्रोको व्यापार विस्तार ग्यारेन्टकोले २.१ बिलियन डलरको ऋणपत्रमा सुरक्षित गरेको थियो जुन बंगलादेशको पहिलो कर्पोरेट बन्ड मध्ये एक थियो।
ग्यारेन्टको र मेटलाइफबीच प्राण एग्रोसँगको यो दोस्रो कारोबार हो । यसअघि २०२१ मा, प्राण एग्रोले आफ्नो पहिलो अनशोर बण्ड इश्यूमार्फत ग्यारेन्टको १००% ग्यारेन्टर र मेटलाइफ लगानीकर्ताको रूपमा रकम जुटाएको थियो। यो ऋणपत्र ढाका स्टक एक्सचेन्जको पहलमा नवगठित वैकल्पिक व्यापार बोर्डमा सूचीबद्ध हुने पहिलो ऋणपत्र थियो।
