काठमाडौं । फरवार्ड माइक्रोफाइनानस वित्तीय संस्थाले आज देखि शेयरधनीको हितग्राही खातामा उल्लेख बैंक खातामा नगद लाभांश पठाउन थालेको छ । कम्पनीले फागुन २१ गते सम्पन्न वार्षिक साधारण सभाबाट पारित ६ दशमलव ५८ प्रतिशत नगद लाभांश पठाउन लागेको हो ।
शेयरधनी दर्ता पुस्तिका बन्द हुने मितिसम्म कायम रहेका शेयरधनीको हितग्राही खातामा बैंक खाताको विवरण अद्यावधिक भएको हकमा नगद लाभांश बापतको रकम जम्मा गरिदिने जनाएको छ ।
बैंक खातामा नगद लाभांश जम्मा गर्दा सम्बन्धित बैंक वा वित्तीय संस्थाको नियमानुसार कुनै शुल्क लाग्ने भएमा सो शुल्क शेयरधनीले नै व्यहोर्ने संस्थाले जनाएको छ ।
