काठमाडौं। प्राइम लाइफ इन्स्योरेन्स कम्पनीको खुद मुनाफा गत वर्षको भन्दा २४ दशमबल १० प्रतिशतले बढेको छ। चालु आर्थिक वर्षको ६ महिनाको अवधिमा कम्पनीले १९ करोड ३६ लाख रुपैयाँ नाफा आर्जन गरेको हो। गत वर्षको यहि अवधिमा १५ करोड ६० लाख रुपैयाँ नाफा गरेको थियो।
नाफा तथा बीमा शुल्क आर्जनमा उल्लेख सुधार देखिए पनि जारी भएको पोलिसी संख्या भने घटेको छ। हाल कायम पोलिसी संख्या दुई लाख ५४ हजार वटा पोलिसी कायम रहेको कम्पनीले जनाएको छ।
चालु आर्थिक वर्षको दोस्रो त्रैमाशिक अवधिमा खुद बीमा शुल्क आर्जन २७.१० प्रतिशतले बढेर २ अर्ब तीन करोड रुपैयाँ आर्जन गरेको छ। गत वर्षको यहि अवधिमा एक अर्ब ५९ करोड रुपैयाँ आर्जन गरेको थियो। कम्पनीले विभिन्न क्षेत्रमा गरेको लागि तथा कर्जा लगानीबाट ५५ करोड २५ लाख रुपैयाँ व्याज आम्दानी गरेको छ।
यस्तो आम्दानी २६.७७ प्रतिशतले सुधार गर्न सफल भएको हो। अभिकर्ताले ६ महिनाको अवधिमा मात्रै २३ करोड दुई लाख रुपैयाँ कमिसन प्राप्त गरेका छन्। शेयर पुँजी २० प्रतिशतले बढ्दा पनि प्रतिशेयर आम्दानी एक रुपैयाँले बढेको छ। प्रतिशेयर आम्दानी १६ रुपैयाँ रहेको छ।
कम्पनीको दोस्रो त्रैमाशिक वित्तीय विवरण
