काठमाडौं । प्राइम लाइफ इन्स्योरेन्स कम्पनीले साधारणसभा आह्वान गरेको छ । कोभिड–१९ को कारण कम्पनीले पुस २७ गते सोमबार आफ्नै प्रधान कार्यालयमा भर्चुअल माध्यमबाट सभा आह्वान गरेको हो ।
सभामा लाभांश सहितका विविध प्रस्ताव पेश हुने छन् । कम्पनीले आ.व २०७५र७६ को नाफा ७ प्रतिशत बोनस शेयर र ८ प्रतिशत नगद लाभांश गरि कुल १५ प्रतिशत लाभांश वितरण गर्ने प्रस्ताव गरेको छ ।
त्यस्तै सभामा सभामा अध्यक्षको प्रतिवेदन उपर छलफल गरि पारित गर्ने, लेखापरीक्षकको प्रतिवेदन उपर छलफल गरि पारित गर्ने, प्रबन्धपत्र नियमावलीमा आवश्यक संशोधन गर्ने, लेखापरीक्षकको नियुक्ति गरि निजको पारिश्रमिक तोक्ने, लगायतका प्रस्ताव पेश हुने छ। सभाले पारित गरेपछि उक्त लाभांश लगानीकर्तामा वितरण हुने छ ।
कम्पनीले साधारणसभा प्रयोजनको लागि पुस १७ गतेसम्म बुक क्लोज गर्ने निर्णय गरेको छ । जसका कारण पुस १६ गतेसम्म कायम शेयरधनीले मात्र सभामा भाग लिन पाउनेछन् ।
