काठमाडौं । प्राइम लाइफ इन्स्योरेन्स कम्पनीले १२ औं साधारणसभा यही असार २९ गते आह्वान गरेको छ । प्राईफ लाईफ इन्स्योरेन्स कम्पनीको १२ औं बार्षिक साधारणसभा यही असार २९ गते सोमबार अपरान्ह २ बजे अग्रवाल भवन काठमाडौंमा हुने जनाएको छ ।
१२ औं साधारणसभामा आर्थिक वर्ष २०७४।७५ सम्मको सञ्चित मुनाफाबाट हाल कायम रहेको चुक्ता पूँजीको १२.५ प्रतिशत बोनस शेयर वितरण गर्ने लगायतका नियमित प्रस्तावहरु लैजाने निर्णय भइसकेको छ ।
कम्पनीको १२ औं बार्षिक साधारणसभामा बोनस बापत वितरण गर्न लागिएको शेयरको कर प्रयोजनको लागि एक करोड २३ लाख ३४ हजार ४४१ रुपैयाँ नगद लाभांश वितरण गर्ने प्रस्ताव पनि साधारणसभामा लैजाने जनाएको छ । कूल दुई अर्ब ७९ लाख रुपैयाँ चुक्ता पूँजी रहेको इन्स्योरेन्सको बोनस वितरणपश्चात पूँजी २ अर्ब २५ करोड रुपैयाँ पुग्नेछ ।
त्यस्तै कम्पनीले यही असार १८ गते बुक क्लोज गर्ने निर्णय समेत गरेको छ । सो मितिभन्दा अगावै शेयर कारोबार गरेका शेयर धनीहरुले मात्रै लाभांश बापतको बोनश सेयर प्राप्त गर्नेछन् । त्यस्तै साधारणसभामा आर्थिक वर्ष २०७४।०७५ को वित्तीय विवरण, लेखा परिक्षण प्रतिवेदन पास गर्ने लगायतका नियमित प्रस्तावहरु राखिएको छ ।
