काठमाडौं । प्राइम कमर्सियल बैंकले लाभांश प्रस्ताव गरेको छ । बैंकको आज सोमबार बसेको संचालक समितिको बैठकले आर्थिक वर्ष ७७/७८ को मुनाफाबाट आफ्ना शेयरधनीलाई वितरण गर्ने लाभांश प्रस्ताव गरेको हो ।
बैंक हाल कायम चुक्ता पूँजीको १६ प्रतिशत बोनश शेयर र कर प्रयोजनको लागि समेत गरी ० दशमलव ६३१३ प्रतिशत नगद लाभांश गरि कुल १६ दशमलव ६३१३ प्रतिशत लाभांश वितरण गर्ने प्रस्ताव गरेको हो ।
नगद लाभांश अघिल्ला वर्षका लाभाँशमा कर तिर्नु पर्ने तर असूल हुन छुटेका तथा यस वर्ष कर तिर्नु पर्ने शेयरधनीहरुको कर रकममा मिलान गर्ने प्रयोजनार्थ भएको बैंकले सोही सुचनामा उल्लेख गरेको छ ।
उक्त प्रस्तावि लाभांश नेपाल राष्ट्र बैंकले स्वीकृति दिएपछि कम्पनीको आगामी साधारणसभाले पारित गरेपछि लगानीकर्ताले पाउनेछन् ।
