एशियन लाईफ इन्स्योरेन्सले चालु आर्थिक वर्षको प्रथम त्रैमासको वित्तीय प्रतिवेदन सार्वजनिक गरेको छ।
कम्पनीले चालु आर्थिक वर्षको प्रथम त्रैमासमा ४ करोड २ लाख खुद नाफा गरेको छ। गत वर्ष सोही अवधिमा कम्पनीले १ करोड ९ लाख कमाएको थियो। यस अवधिमा पुँजी वृद्धि ६० प्रतिशत र कम्पनीको खुद नाफामा १३७ दशमलव ४५ प्रतिशतको वृद्धि देखिएकाले कम्पनीको प्रति शेयर आम्दानीमा वृद्धि देखिएको छ तर जीवन बीमा कम्पनीहरुको हकमा भने एक्चुअरी पश्चात मात्र वास्तविक प्रति शेयर आम्दानी र नाफा प्राप्त हुने छ। कम्पनीको वार्षिक प्रति शेयर आम्दानी ८ रुपैयाँ रहेको छ।
कम्पनीको जगेडा कोष ५१ दशमलव ९२ प्रतिशतले वृद्धि हुँदै ४० करोड ५४ लाख पुगेको छ भने जीवन बीमा कोष २९ दशमलव २३ प्रतिशतले वृद्धि हुँदै १ अर्ब ७९ करोड पुगेको छ।
खुद बीमा शुल्क आर्जन रकम ३० दशमलव २३ प्रतिशतले वृद्धि हुँदै ८८ करोड ८६ लाख पुगेको छ भने खुद दावी भुक्तानी ९८ दशमलव १५ प्रतिशतले वृद्धि हुँदै १४ करोड १२ लाख पुगेको छ।
भुक्तानी हुन् बाँकी दावी ४८ दशमलव ७४ प्रतिशतले वृद्धि हुँदै २ करोड ५३ हजार पुगेको छ।
