काठमाडौं । रूस विरूद्ध यूरोपेली मुलुकले लगाएको प्रतिबन्ध छल्नका लागि रूसी बीमा कम्पनीहरूले कच्चा पेट्रोलियम इन्धनको ६० प्रतिशत बीमा सुरक्षाको सुनिश्चितता गरि दिएका छन् । युक्रेनविरूद्ध यूद्ध शुरू गरेको आरोपमा यूरोप र अमेरिका सहितका मुलुकले रूसविरूद्ध आर्थिक नाकाबन्दी सहित रूसबाट निर्यात हुने कच्चा इन्धनको निकासी मूल्य समेत तोकिए दिएका छन्।
जी सेभेन, युरोपेली यूनियन र अष्ट्रेलियाले प्रति ब्यारेल अधिकत्तम ६० डलर भन्दा बढी मूल्यमा रूसले इन्धन बिक्री गर्न नपाउने गरी मूल्य तोकेका छन् । यो भाउभन्दा माथिको दाममा रूससँग कुनै पनि मुलुकले खरिद गरेको पेट्रोलियम इन्धनको ढुवानीमा पुनर्बीमा समर्थन नदिन यी मुलुकले आफ्नो देशका पुनर्बीमकलाई उर्दि जारी गरेका छन् ।
देशको इन्धन निर्यात बढाउनका लागि रूसी पुनर्बीमकले भारतीय इन्धन आयातकर्तालाइ इन्धनको ढुवानीमा पुनर्बीमा समर्थन प्रदान गरिरहेका छन् । समाचार एजेन्सी रोयटर्सका अनुसार रूसबाट भारततर्फ निर्यात भइरहेको मध्ये ६० प्रतिशत इन्धन कार्गोको पुनर्बीमा सुरक्षाको प्रत्याभूति रूसी पुनर्बीमकले नै गरेका छन् । बाँकी ४० प्रतिशतको प्रबन्ध भारतीय पक्षले युरोपेली पुनर्बीमकमार्फत गरेका छन् ।
रूसले उत्पादन गर्ने कच्चा पेट्रोलियम इन्धनको ठूलो बजार भारत हो । यूरोपेली यूनियन लगायतको प्रतिबन्ध पछि रूससँग सस्तो दाममा कच्चा इन्धन खरिद गरेर भारतले लाभ लिइ रहेको छ। अहिले रूसबाट निर्यातहुने मध्ये ६० प्रतिशत कच्चा इन्धन भारतले खरिद गरिरहेको छ।
रोयटर्सका अनुसार रूसी इन्धनको सबैभन्दा ठूलो खरिदकर्ता, व्यापार र ढुवानी स्रोतबाट प्राप्त तथ्यांकले पश्चिमेलीको प्रतिबन्धको बावजुद मस्कोको निर्यात राजस्व सुरक्षित गर्न पुनर्बीमकले सघाई रहेका छन् ।
मस्कोले युक्रेनमा आक्रमण गरेपछि रुसको कच्चा इन्धनवापतको विदेशी मुद्रा आर्जनलाई सीमित गर्ने उद्देश्यले जि सेभेन, युरोपेली संघ र अष्ट्रेलियाले प्रति ब्यारेल ६० डलरभन्दा बढीमा रूससँग इन्धन खरिद नगर्न सहमति गरेका थिए ।
जुलाईमा भारतमा निकासीका लागि बीमा उपलब्ध गराउने रुसी कम्पनीहरूले इन्गोस्ट्राख, रोसगोस्ट्राख, अल्फास्ट्राखोवानी र भिएसके इन्स्योरेन्स समावेश गरेका थिए।युक्रेन युद्ध अघि, पानी जहाज कम्पनीहरूले मुख्यतया सुरक्षा र क्षतिपूर्ति जोखिम बहनका लागि ठूला पश्चिमी पुनर्बीमकको सेवा लिन्थे।
यस वर्षको सुरुमा, राज्य-संचालित रूसी पुनर्बीमा कम्पनीले वित्तीय ग्यारेन्टी दिएपछि भारतले धेरै रूसी बीमा कम्पनीलाई इन्धन ट्याङ्करका लागि समुद्री बीमा सुरक्षा प्रदान गर्नको लागि स्वीकृति प्रदान गरेको छ।
जुलाईमा, भारतले चीनलाई उछिन्दै रुसी तेलको शीर्ष खरिदकर्ता बन्यो । यद्दपी चीनले रूसबाट पाइपलाइन र समुद्री दुबै मार्गबाट इन्धन आयात गरिरहेको छ। सन् २०२२ मा मस्कोको इन्धन खरिदमा यूरोपेली युनियनले प्रतिबन्ध लागू गरेपछि मात्रै समुद्री कार्गोका लागि, भारत रुसी तेलको सबैभन्दा ठूलो बजार भएको छ।
