काठमाडौं । नबिल बैंकले आफ्ना शेयरधनीहरुलाई पाँच वर्ष पुरानो लाभांश बुझिलिन आग्रह गरेको छ । बैंकले एक सूचना जारी गर्दै कम्पनीको २०७२ साल पुस १३ गते सम्पन्न ३१औं साधारण सभाबाट पारित नगद लाभांश कतिपय शेयरधनीहरु लिन नआएकाले सो लाभां बुझिलिन आग्रह गरेको जनाएको छ ।
कम्पनीले एक महीनाभित्र बैंकको शेयर रजिष्ट्रार नबिल इन्भेष्टमेण्ट बैंकिङ नेपाल लिमिटेड, नक्साल, काठमाडौंमा सम्पर्क गरी लाभांश लिन आउन आग्रह गरेको हो ।
सुचना प्रकाशित भएको मितिले एक महीना नाघेपछि उक्त नगद लाभांश लगानीकर्ता संरक्षण कोषमा जम्मा हुने समेत बैंकले जनाएको छ ।
