काठमाडौं । जब लग्जरी र तीव्र रफ्तार कारको कुरा हुन्छ तब फेरारीको नाम आउनु स्वभाविक नै हो। अहिलेसम्म पेट्रोलमा आइरहेको फेरारी अब इलेक्ट्रिफाइड हुने तयारीमा रहेको छ।
एउटा मोर्डन कार प्रसंशकका लागि फेरारीको इलेक्ट्रिक मोटरमा यात्रा भर्न सबैभन्दा सुखद् अनुभव हुन सक्छ। फेरारीले आउँदो वर्षसम्म बजारमा आफ्नो पहिलो इलेक्ट्रिक कार ल्याउने तयारी गरिरहेको छ। यसबीच फेरारीको इलेक्ट्रिक कारको मूल्यलाई लिएर एउटा रिपोर्ट सार्वजनिक भएको छ। जसले कारप्रेमीको होश उडाएको छ।
रिपोर्टका अनुसार फेरारीको पहिलो इलेक्ट्रिक कारको मूल्य करिब ५ लाख युरो (७ करोड १५ लाख रुपैयाँबराबर)को आसपास हुनेछ। फेरारी आफ्नो पहिलो इलेक्ट्रिक कारका लागि एउटा नयाँ प्लान्टको सुरुआत गर्न गइरहेको छ। त्यसपछि आउँदो वर्षसम्म इलेक्ट्रिक कार बजारमा आउने अनुमान गरिएको छ।
हाल फेरारीको इलेक्ट्रिक कारमा के–कस्ता फिचर हुनेछन् भन्ने विषयमा कुनै खुलासा भएको छैन। तर, फेरारीप्रेमीहरु इलेक्ट्रिकको प्रतीक्षामा रहेको रिपोर्टमा उल्लेख छ।
