काठमाडौं । नेप्से ६४ दशमलव ७० अंकले बढेर १,८७४ दशमलव ८१को विन्दुमा कायम भएको छ ।होटल बाहेक अन्य क्षेत्रको उपसूचकमा हरीयाली छाएको छ ।दिनभरिमा १ सय ९६ कम्पनीको १ करोड ४७ लाख ९३ हजार ३ सय ३ कित्ता शेयर किनबेच हुँदा ५ अर्ब १३ करोड रुपैयाँ भन्दा बढीको कारोबार भएको छ ।
आज सबैभन्दा धेरै नेको इन्स्योरेन्स कम्पनी प्रमोटरको ४२ करोड २९ लाख रुपैयाँ भन्दा बढीको कारोबार भएको छ । त्यस्तै, नेपाल रि इन्योरेन्स २९ करोड ४४ लाख रुपैयाँ बराबरको कारोबार भएको छ।
त्यसैगरी, एनएमबी लघुवित्त र विशाल बजारको शेयर १० प्रतिशतले बढेको छ भने नेपाल टेलिकमको शेयर ९ दशमलव ९६ प्रतिशतले बढेको छ ।
लक्ष्मी इक्विटी फन्डको शेयर ३ दशमलव ६८ प्रतिशतले घटेको छ भने नेशनल हाईड्रोपावरको शेयर २ दशमलव १७ प्रतिशतले घटेको छ।
