काठमाडौं । नेपाल बैंक लिमिटेडले कर्जा चुक्ता नगर्ने ऋणीहरुको धितो लिलाम गर्ने भएको छ । बैंकले एक सूचना जारी गर्दै ३५ दिनभित्र कर्जा चुक्ता गर्न आग्रह गरेको छ । बैंकले तोकेको उक्त अवधिमा कर्जा चुक्ता नगरे ऋणीहरुको धितो लिलाम गरिने बैंकले जनाएको हो ।
बैंकबाट कर्जा लिई साँवा, ब्याज नतिरेपछि कर्जा असुलका लागि धितो लिलाम गर्न लागेको बैंकले सोही सूचना मार्फत उल्लेख गरेको छ । तोकिएको समयावधिभित्र पनि कर्जा चुक्ता नभएको खण्डमा धितो लिलाम गरिनुका साथै ऋणी तथा जमानतकर्ताको नामसमेत कर्जा सूचना केन्द्रको कालोसूचीमा राखिने समेत बै.कले जनाएको छ ।
