काठमाडौं । जापानमा नयाँ वर्ष २०२५ बाट गाडी बीमाको प्रिमियम बढ्ने भएको छ।
जिजी प्रेसमा प्रकाशित समाचारअनुसार नयाँ वर्षमा जापानमा गाडी बीमाको प्रिमियम न्यूनतम ३.५ प्रतिशतदेखि अधिकतममा ५ प्रतिशतसम्म बढाउने तयारी गरिएको हो। प्राकृतिक विपत्ति र बढ्दो लागतलाई ध्यानमा राखेर गाडी बीमाको प्रिमियम बढाउने निर्णय भएको हो।
जापान ठूला बीमा कम्पनीले टोकियो मारिन एन्ड निचिडो, फायर इन्स्योरेन्स, सोम्पो जापान इन्स्योरेन्स, मित्सुई सुमिटोमो इन्स्योरेन्स र आइओई नेस्से डोवा इन्स्योरेन्सले गाडी बीमाको प्रिमियम बढाउने निर्णय गरेका छन्। टोकियाले मारिनले ३.५ प्रतिशत र सोम्पो जापानले ५ प्रतिशतसम्म गाडी बीमाको प्रिमियम बढाउने भएका छन्।
जुन महिनामा निर्जीवन बीमा कम्पनीहरु समावेश गर्दै जापानको जनरल इन्स्योरेन्स रेटिङ अर्गनाइजेसनले गाडी बीमा प्रिमियमको बेन्चमार्कमा ५.७ प्रतिशत वृद्धिको घोषणा गरेको थियो।
