काठमाडौं । नबिल बैंकले वार्षिक साधारणसभा आह्वान गरेको छ।
बैंक सञ्चालक समितिको आज बिहान बसेको बैठकले ३९ औँ वार्षिक साधारणसभा आउँदो पुस १३ गते आयोजना गर्ने निर्णय गरेको हो। सभा काठमाण्डौको भद्रकालीस्थित आर्मी अफिसर्स क्लबमा बिहान १० बजेबाट सुरु हुनेछ।
सभाले गत आर्थिक वर्ष २०७९/८०का लागि प्रस्तावित चुक्तापुँजीको कुल ११ प्रतिशत नगद लाभांश अनुमोदन गर्नेछ। सभाबाट पारित भएपछि नगद लाभांश शेयरधनीहरुले पाउनेछन्।
सोही सभाले उक्त आर्थिक वर्षको वार्षिक प्रतिवेदन र वित्तीय विवरण स्वीकृत गर्नेछ।
